|
Lyrics by Robert Burns (1759-1796)
Should auld acquaintance be forgot
And never brought to mind?
Should auld acquaintance be forgot,
And auld lang syne?
Chorus
For auld lang syne, my jo,
For auld lang syne.
We'll tak' a cup o'kindness yet,
For auld lang syne.
And surely ye'll be your pint-stoup
And surely I'll be mine;
And we'll tak' a cup of kindness yet,
For auld lang syne.
Chorus
We twa hae run about the braes,
And pou'd the gowans fine;
But we've wander'd mony a weary fit,
Sin' auld lang syne.
Chorus
We twa hae paidl'd in the burn
Frae morning sun till dine;
But seas between us braid hae roared',
Sin' auld lang syne.
Chorus
And there's a hand, my trusty frier!
And gie's a hand o'thine!
And we'll tak' a right guide-willie waught,
For auld lang syne.
Chorus
back to index
|
